Embedded Files
O diya 1 de marzo, Àngels Egea, licenciada en filolochía catalana y miembro d'os "Serveis lingüístics de la Universitat de Barcelona", mos va convidar a l'autividat Fets de llengües del 2024 que se va celebrar en o CCCB, an vam poder charrar sobre l'aragonés.
Fets de llengües ye una autividat promovida por Òmnium Ciutat Vella e GLiDi (Grup de Lingüistes per la Diversitat), chunto con a colaboración de centros de secundaria de Ciutat Vella.
Tien l'obchectivo de dar a conoixer y fer visibles as diferents luengas que se charran en Ciutat Vella, e valorar tota a riqueza que isto comporta, dando importancia a ra diversidat lingüistica e multicultural, esfendendo as luengas minoritarias.
Mapa d'as llenguas d'o mundo
En ista autividat, primer mos va charrar Alejandro García, en representación de GLiDi, an va fablar sobre a importancia d'esfender la diversidat lingüistica, y cual ye la situación autual. Seguntes va dir, arredol d'un 96% d'a población mundial charra o 4% d'as luengas, mientras que nomás o 4% de la población charra o 96% d'as luengas d'o mundo. Mos va charrar as grans familias lingüisticas en que se clasifican as luengas d'o mundo, y que entre muitas altras, as luengas romanicas como l'aragonés, el catalán, l'italián... forman parti d'a familia de llenguas indoeuropeas.
Árbol parcial d'as llenguas indoeuropeas
GLiDi ye un coleutivo integrau per lingüistas mayoritariament formaus en a "Secció de Lingüística General de la Universitat de Barcelona", y que tienen interés por a diversidat lingüistica. Tienen como obchectivos prencipals promover o conoiximiento d'ista diversidat lingüistica en diferents ambitos, contribuir en la investigación y promoción de llenguas subordinatas, promover y creyar vinclos con investigadors, autivistas y presonas interesatas en a diversidat lingüistica. Seguindo istos obchetivos, organizan conferencias en centros educativos y civicos, y autividaz y esdevenimientos de diferents carauteristicas.
Dimpués, diversos alumnos de 2° y 3° d'a ESO de centros de secundaria de Ciutat Vella, van leyer as suyas biografías lingüisticas que eban escrito, an explicaban a suya experiencia en relación con as suyas luengas que charran: as que han aprendiu y as suyas luengas maternas; veyendo asinas ista diversidat lingüistica que bi ha, en primera man.
En ista edición i van participar 6 centros de secundaria de Ciutat Vella: Institut Tarradell, Escola Pia Sant Antoni, Institut Milà i Fontanals, Escola Sant Felip Neri, Escola Institut Elisabets y Escola Vedruna Àngels.
Os suyos alumnos mos van charrar sobre llenguas como l'arabe, o griego, l'urdú, o serbio, o bulgaro, o quechua equatorial, o bengalín, o catalán, o castellano... y qué papel desarrollan en a suya vida cadaguna d'as suyas luengas.
A continación, van charrar miembros de Prollema, una iniciativa que promueve l'ensiñanza a chovens migrants solos y en situación d'exclusión social, pa poder amostrar y ensiñar a suya luenga materna a atras presonas y, a la vegada, fer rete entre profesors y aprendizes.
Finalment vam charrar sobre l'aragonés explicando a suya situación lingüistica, y vam exposar bels referents pa poder introducir-se y aprender una mica la llengua nuestra. Tamién vam charrar sobre as actividaz que se promueven dende O Corrinche: dende os cursos d'aragonés impartitos por os nuestros mayestros cada martis, dica totas as atras autividaz, conferencias, chornadas, seminarios e conciertos que se promueven de fer astí en Barcelona y redolada.
Vam estar muito agradeixitos de poder formar parti d'ista iniciativa, an vam poder veyer de primera man a situación d'a diversidat lingüistica que bi ha en Ciutat Vella y poder conoixer proyeutos y iniciativas como GLiDi y Prollema, que contribuyen a l'esfensa y l'aduya a ras luengas minoritarias.
A partir d'as autobiografias d'os alumnos, se va poder veyer o predominio d'o castellano como luenga comuna ta comunicar-se entre os alumnos, os amigos, y en bellas ocasions tamién familiars. Y o catalán, en a mayoría d'ocasions, ye aprendito en a escuela. As suyas luengass maternas, mayoritariament las charran con os suyos familiars, y en pocas ocasions sale d'iste ambito familiar.
Gracias a autividaz como ista, se da a conoixer tota ista situación e con istas iniciativas se miran de dar a conoixer y promover totas istas luengas que, al ser minoritarias, se troban en una situación de vulnerabilidat. Cal trobar ferramientas y espacios pa dar notorio a todas ellas, dar-les l'oportunidad d'estar emplegadas y poder tamién aprender-las.
Cronica de Núria Auset
Google Sites
Report abuse